الاسباب كتيره اوي للثبات غيري عاداتك
لو مبتعمليش صيام متقطع اعملي والعكس
لو مبتعملبش رياضه اعملي ولو حاجه بسيطه زي المشي
لو مبتناميش بدري وعدد ساعات كويسه ظبطي نومك
لو مبتقلليش الكاربوهيدرات قلليها
لو مبطلتيش سكر امنعيه
لو بتاخدي سناكات كتير قلليها وخليها تبع الوجبات في خلال ساعه قبل او بعد
....... الخ
والله المستعان في ثبات عضلي كمان يعني بتكوني بتعملي رياضه وبتقلي دهون خفيفه وبتزيد عضل ثقيل ودي هتلاقي المقاسات نازله والشكل في الهدوم فارق لكن الميزان ثابت او احيانا زايد
19 Sep 22 by member: Om habiba2020
|
الاسباب ..
لو بتاخدى اقل من الف سعر وحارمة نفسك بتثبتى ...
لو الحركة قليلة ..
لو مش بتصومى من تلت لاربع ساعات بين الوجبات ...
لو بتاخدى سناكات ف يومك كتير ...
لو عاملة صيام متقطع وبتكسري الصيام الصبح بطريقة غلط علي سكريات او نشويات كتير ......
لو مش بتنامى عدد الساعات الكافيه للجسم وهما تمن ساعات متواصلين نوم عميق .......
لو وقت نومك مش مظبوط وبتسهرى كتير اوى ..
وممكن كمان تكونى يتاخدى سعرات مخفيه .. زى مثلا بضيفي زيوت كتير ف الاكل .. او بتاخدى اى حاجه حجمها صغير لكن سعراتها عاليه .. ف انتى بتعتبريها شئ طبيعى لكن هى سعراتها سبب ف ثبات وزنك .....
لو بتاكلى فاكهه فيها سكريات عاليه زى المانجه والعنب والتين ......
وفى سبب كمان .. لو بتعملى رياضه .. ف البدايه بتثبتى فتره كبيرة يمكن من شهر لشهرين وممكن كمان تزيدى ف الوزن .. والزيادة بتكون عضلات .. دة حصل معايا قبل كدة ....
19 Sep 22 by member: moaa52299
|
استمرى اوعى تيأسى دا طبيعى جدا الجسم يمر بالفترة دى
19 Sep 22 by member: Sara_Omran
|
الأسباب كتير أوي زي ما قالوا تحت
جربي تعملي كالوري ديفيست مش كبير أوي وف نفس الوقت ماتخديش أكتر من ١٠٠ جرام نت كارب
مع صيام ورياضة خفيفه إن شاء الله الدنيا تظبط
المهم إبعدي عن الميزان فترة واستمري ع النظام الصحي بغض النظر الميزان بيقول إيه وركزي ع المقاسات واقعية أكتر
20 Sep 22 by member: Asmaa_yosri
|
20 Sep 22 by member: ميرو حسونه
|
الجسم لتعود و بيعند معاكى
استمرار لحد ميستسلم و يبدأ فقدان الوزن تانى اوعى تستسلم لجسمك
دى معركة ارادة
20 Sep 22 by member: MASMAS2019
|
بجد شكرا ليكم فعلا السهر ونوم وقت قليل يمكن هو السبب ربنا يبارك فيكم ويعينا ع اللي احنا فيه ويكرمكم يارب ❤️😍
20 Sep 22 by member: hejraahmed156
|
كان عندي ثبات وزن لمده شهرين ممهما اكل مبذدش ومهما انقص اكل مبخسش الدكتور قالتلي على دايت البيض لمده اسبوع واحد فقط لقتني لأول مره من شهرين اخس ٣ كيلو
21 Sep 22 by member: abwalzmala
|
مفيش مجهود بدني بس مش اكتر
24 Sep 22 by member: abdpoabdoo2
|
فكك من كل التعليقات دي مبدايا لازم تقللي عدد السعرات عن احتياجك ولو ثابتة في الميزان عايزك في اليوم دة تعكي فية علي اخرك لان الايض عندك خد علي كدة مفا مش بتخسي فدة الحل ارفعي كارب كلوا وتاني يوم كملي هتخسي
#مدرب لياقة فتنس وكمال اجسام
24 Sep 22 by member: محمدزكريا
|
ثبات الوزن مش مقياس
اهم حاجة نزول المقاسات
وعلى فكرة بعض الأجسام بتكون عندها مقاومة للنزول وسببها تراكم دهون داخلية
ومقاومة الأنسولين وعلاماتها الشراهة ناحية الحلويات بتنجذب ليها وظهور علامات سوداء في المناطق الحساسة
ولازم نمارس رياضة وطبعا نظبط الكالوريز
الثبات ممكن ياخد وقت
لكن المهم منوقفش
انا فضلت ثابت فترة طويلة بسبب مقاومة الأنسولين
25 Sep 22 by member: Dr Hamdi
|
ممكن اعرف عن الصيام المتقطع من فضلكم
25 Sep 22 by member: نيڤين ٨٤
|
شوفي جسمك محتاج ايه اصلا
مش اي رجيم ينفع مع الكل
25 Sep 22 by member: madyan7
|
طلما ثبات وزن محتاج عامل اضافي لتشجيع الجسم لحرق الدهون
لو مفيش رياضه زود حصص تدربيه
ويفضل تقويه عضلات لان زياده العضلات بيعلي الحرق
لو مش متاح ممكن كارديو متنوع من خفيق ل هيت
مع الوزن الاقيل مينفع الهت عشان الغضريف
عامل حفاز تاني الكرب سيكل والديلود المدروس في الديت والتمرين
وبالتوفيق يا صديقي 💪😊
25 Sep 22 by member: mo s a
|
غيري نظام الدايت لنوع تان يعني مثلا وقت الاكل وعدد الوجبات بس نفس الكميات
25 Sep 22 by member: aytalbqry
|