azizmic's Journal, 21 Dec 21

تتعوض ان شاءالله ابعد عن الغازيات والسكر والفواكه والاخباز الطحين بكل انواعه 

لا اله الا الله أيش باقي يترك ناقص بس تقول موية @qudaihi  

A6vx حاول تقرأ عن موضوع الاخباز والطحين بشكل عام والسكر والبيسي وكلهم ماراح اناقش فيهم لاني مقاطعهم لايف ستايل صارت اما الفواكه العالية السكر ممنوعه للي مسوي دايت ويبي ينحف او وزنه ثابت وماينزل نستثنى منها كم نوع بكميات قليله 

كل شخص له تجارب ووجهة نظر أنا أشوف أي دايت ما أقدر أكل فيه الي أشتهيه هذا ليس بمنطقي أبدا ... بعدين اذا انت لايف ستايل ويعجبك مو شرط غيرك نفس حالتك أبدا طبعا أختيار الدايت المناسب يرجع لصاحبه والله يسر له أمره  

شوف اكيد في غلط مسويه بالدايت حقك ياحرمان يا جوع وهذول الاثنين اكبر غلط ممكن تسويهم بنفسك + الافراط بالرياضه ساعه باليوم و ٨ الاف خطوه كفايه مايحتاج اكثر من كذا شوف الدايت الي كنت تسويه كنت تحرم نفسك من شيء تحبه وماله بديل ؟ خبز رز ؟ مشروبات غازيه ؟ ضروري تدخلهم بنظامك بس ب انتظام مو ب افراط مثلا ٤ ايام بالاسبوع تاكل منهم وباقي الايام لا وممكن تاكلهم كل يوم مو مشكله بس ب انتظام حبتين توست الصباح و ١٠٠ قرام رز مطبوخ عالغداء او مكرونه واقولك ان كثير ناس ماحرمو نفسهم من شيء ونزلو من اوزان جدا عاليه لين المثالي لان صدقني الحرمان مايأذيك جسدياً وبس حتى نفسياً واذا استمريت عليه فكرة الدايت عليك بتكون صعبه وسلبيه ضروري عشان توصل للمثالي تكون خطتك بالدايت مرنه وتصير تحبها وتعتبرها اسلوب حياه حتى لما توصل للمثالي بيصعب عليك تتركها  

شكرا شباب على النصايح مشكلتي ابي نتايج سريعة ومن كثر ماسوي دايت ووقف جسمي صار صعب ويحتاج صبر للتنزيل الوزن وباذن الله خلال ٦ شهور اوصل للي ابيه