إكشف مخ و اعصاب يا أستاذ علي شفاك الله وعفاك... طهورا بإذن الله
30 Jul 24 by member: .🧡ڤانيليا
|
شفاك الله وعافاك مخ واعصاب لو مفيش مشاكل بالنظر او لو بتلبس نظاره وممكن مقاساتها اختلفت
30 Jul 24 by member: Om habiba2020
|
امين امين
معنديش مشاكل بالنظر
بس شغلى كله قدام اللابتوب
و السهر بقى شئ طبيعى معايا
30 Jul 24 by member: Ali.ahmed.
|
ممكن اجهاد . او النوم غير مظبوط يعمل كده . واكشف برضه
31 Jul 24 by member: CAP.MOSTAFA
|
سلامتك لازم تكشف ومش عارف ده احد اعراض الضغط فانت بردو استمر علي قياسه فنفس الوقت
انت علي طول مضغوط حاول تخلي لنفسك ولو وقت بسيط تبقه ريلاكس حتي لو بتاخد مشروب لان ده نتيجة للضغوط اليوميه
31 Jul 24 by member: Eng.'Mohamed'
|
صح ياكابتن النوم ممكن يكون سبب رئيس
31 Jul 24 by member: Ali.ahmed.
|
الله يسلمك ياهندسة،
ياريت اعرف اعمل كدا
هحاول بإذن الله اخلى فيه جزء بعيد عن اى ضغوط
31 Jul 24 by member: Ali.ahmed.
|
باشا اعمل
انا من قلب الحدث ام الضغوط مش بتنتهي بعد كده انا هنام واخد كفايتي من النوم واقوم اشوف الكلام علي ايه
طول النهار والليل بحل في مشاكل لغاية ما نفسي هتقف
لاني مبقتش احس بانبهار ناحية اي حاجه ده احساس مخيف تخيل اي حد واي حاجه انته شايفه عاااادي كده انا داخل علي فكرة ان ابقه الة شغل مش بني ادم
01 Aug 24 by member: Eng.'Mohamed'
|
حضرتك ي دكتور على مضغوط نفسياً ومش واخد كفايتك ف النوم ودماغك شغالة تفكير مش بتفصل حتى وانت نايم ... دكتور مخ واعصاب ممكن يظبط معاك الموضوع دا بأدوية ... بس نصيحة حاول تعدل نظام حياتك شوية ومتجيش على صحتك وامشي بجدول مهام يومي هيرتب امورك ومتبقاش تحت ضغط ... شفاك الله وعافاك
01 Aug 24 by member: Norhan Fathy Yassen
|
انا مش عارفه تكشف عند مين وعندك إيه بس انت ذكرت انك بتسهر والسهر بقى عندك زي العادة بس تعرف إن السهر ليه مشاكل كبيره مش بتتحل إلا لو نمت بالليل لأن دي الفطره بتاعتنا ولو اتغيرت بيحصل خلل وغير انو بعد الشر على المدى البعيد الموضوع بيسبب أمراض خطيرة خلي عدد ساعات تنامو باليل والدنيا تكون ضلمه متمشكش الموبايل وهدى النور قبل النوم بساعه على الأقل لو مقدرتش خلاص وخلي الكافيين(قهوه،شاي،مشروبات غازيه)أي حاجه فيها كافيين قبل ١٢الظهر ويفضل قبل ٩ الصبح كمان
وممكن لو بتفكر كتير قبل ماتنام اجبر نفسك توقف استبدلو بإستغفار أو تسبيح واتنفس وكأنك نايم
وبعد مده هتلاقي الدنيا فرقت لأن دا هيقوي ذاكرتك وصحتك وتركيزك وأبدأ يومك من الفجر وأبدأ اقعد في مكان عادي ومترتب هتحس براحه نفسيه عجيبه بإذن الله
وشفاك الله وعافاك
02 Aug 24 by member: sama646
|
ممكن تكشف عظام التهاب فقرات الرقبة بيعمل صداع خلفي عن تجربة والنوم بطريقة غلط بنصحي مصدعين بالشفا ان شاء الله
02 Aug 24 by member: Nahla.m
|
02 Aug 24 by member: Ali.ahmed.
|
تسلمى يا نورهان عندك حق
الواحد محتاج يفكر فى نفسه شوية وينظم يومه
02 Aug 24 by member: Ali.ahmed.
|
Sama
كلامك مظبوط
ربنا يعينا انى اقدر اعمل كدا
02 Aug 24 by member: Ali.ahmed.
|
Nahla
اعتقد اكتر من السهر وطول القعدة قدام اللابتوب، ربنا يشفى كل مريض
02 Aug 24 by member: Ali.ahmed.
|