شرائح الكتان والسمسم والترمس
١٥٠جم دقيق سمسم جاهز او سمسم محمص خفيف مطحون
٥٠جم بذور سمسم كامله
١٠٠جم دقيق بذور الكتان او مطحون شركه ايكو منزله جاهز سعره حلو
١٠٠جم دقيق ترمس
٢٠جم بذور شيا لو متوفره مش متوفر حبة بركه او مش مشكله
٣٠جم قشور سيليوم ممكن بدلها كتان بردو البديل الافضل طبعا للكتان ككل الشيا
٥٠جم جبن رومي مطحونه دي اختياري لتحسين الطعم
م. ص ملح هيمالايا خشن
م. ص ب. ب
كركم
م. كبيره من ( زعتر بري / كمون /شمر ويانسون /ثوم اطعمه حسب الرغبه)
٢م.ك حبة البركه
نعجن كل النواشف ب٥٠٠جم ماء دافي +م. ص خل تفاح +٥٠جم زيت زيتون متاخد ملعقه على جنب للفرد ونريحها ٥ق ونفرد بين بلاستك رفيع ونقطع بالسكين شرائح ونرص على ورق الزبده تسويه فرن وسط لما تبدء تتحمر نهدي ننشفها عملت ٤٠مقدار وزن ١٥ جم شريحتان تقريبا
الي جهازة الهضمي بيتعب من الكتان بلاش ونستبدل بدقيق الترمس او السمسم او مكس حسب المتوفر 😉
الحمص ليه استخدمات ووصفات كتيره جدا ارشحلك قناه اسمها مطبخ ايمان عبدالله قناه جميله وعامله وصفات تحفه بالحمص الكامل اوالدقيق كمات
29 Nov 23 by member: Om habiba2020
|
صباح الفل ام حبيبة صحة وسعادة ماشاءالله عليكى انتى مبدعة
29 Nov 23 by member: m.a.s.elsayed
|
بالهنا والشفا وصباح الخير
29 Nov 23 by member: Eng.'Mohamed'
|
الف هنا يا حبيبتي
يومك جميل
29 Nov 23 by member: مودة ...
|
صبااااح الورد ❤️ بالف هنا
29 Nov 23 by member: mahesta1
|
29 Nov 23 by member: Om habiba2020
|
تسلمي يامنى 💕 شوية استعدادات للشتاء كده بتريح نفسيا 😅😅
شوربة عظام؛ شرائح مشبعه؛ كيكة لوكارب؛ خبز لوكارب ونفرز ولما نحتاج بسحب منها اليوم قصير ومليون حاجه بتلهينا ودي حاجات مساعده تنظم الاستمرار بنظام وتشجع نكمل اظبطي لنفسك حاجات كده وان شاء الله توصلي لهدفك 💪 💪
29 Nov 23 by member: Om habiba2020
|
ليه كومنت بتاعى مش بيظهر ولا بعرف انزل بوست
29 Nov 23 by member: heba_nassar
|
heba ادخلي علامة الاعدادات هتلاقي المجتمع افتحي المشاركه مع الجميع والتعليقات ياقمر
29 Nov 23 by member: Om habiba2020
|
يارب ياام حبيبة ايوة اية شوربة العظام انا مبعرفش اعمل الكيك العادى يبق هعمل الوكارب
29 Nov 23 by member: m.a.s.elsayed
|
شوربة العظام دي مهمه جدا في الدايت لانها مليانه عناصر غذائيه وتعويض للاملاح وبصراحه بستخدمها بديل للمكملات الغذائيه غير انها غنيه بالكولاجين بتجيبي مواسير من الجزار من الي بيكون فيها نخاع وبتخليه يكسرهالك وبتغسليها كويس جدا وتتغلي غلوه وتغسليها تاني وتتحط بماء مغلي نظيف تماما وسبيها تغلي وتهدي النار ٢٤ ساعه تسويه متصله او متقطعه وتزودي كل ما تنقص الماء او من ٨ ل١٢ ساعه بحلة ضغط بتبرديها تماما وتشيلي الدهون السطحيه والباقي هتلاقيه هلام كده هو ده بقى شوربة العظام بتتبل زي متحبي وتخزنيها بالفريزر لاما تتشرب كشوربه او يطبخ بيها مغذيه جدا لكل الاسره واحيانا بكثفها مع خضروات وكرفس وكاري واعملها مكعبات مرق صحيه خطيره 👍🏻
الكيك اللوكارب سهل مش محتاج عرق ولا قوام معين ولا غيره البيض والمواد الرفعه والفانيلا ودقيق جوز الهند او دقيق اللوز او دقيق ترمس وكاكاو وقرفه واي منكهات وسكر دايت وفرن او مايكروويف سهل وبيرضي الشهيه
29 Nov 23 by member: Om habiba2020
|