maryamsalah532's Journal, 02 Jul 22

ايه نظامك اللي ماشية عليه و حالتك الصحية؟ 

تقليل سعرات شاي اخضر وتقليل سكريات وحلويات 

امشي علي نظام تحققي فيه عجز في سعراتك ، اشربي مايه كتير في يومك ، ابعدي عن المعجنات و السكريات و الزيوت ، اتبعي نظام رياضي في البيت علي الاقل. ♥️ 

منعت نشويات ونزلت  

يا شباب استهدوا بالله لو لسه سنها صغير و في فترة نمو هتمنعوا عنها النشويات النضيفة ليه؟ و لو معندهاش مقاومة انسولين برضو لازم نعرف حالتها الصحية الاول استنوا نعرف ايه نظام اكلها كمان و حالتها الصحية مش جايز عندها نقص فيتامين C او بتحس بدوخة نقص ماغنيسيوم و بوتاسيوم او عندها انيميا كل ده هيمنع الحرق عندها و مش هتخس غير لما يتعالجو الاول سواء منعت النشويات زي ما قولتوا ليها او لاء مش هتخس غير لما تعالجهم و نعرف ماشية على نظام ايه و نعرف الخلل فين قبل ما نقول امنع دي و دي و اعمل كده مش لازم عشان احنا عملنا كده و نجحنا غيرنا لما يعملها هينجح برضو سوري لو ضايقت حد مش قصدي والله بس بلاش ندي نصيحة لحد من غير ما نعرف حالة اللي قدامنا ايه عشان منبوظلهوش الدنيا و نأذيك من غير قصدنا عارفة انكم بتساعدوا مش قصدكم حاجة وحشة ف اسفة والله لو كنت ضايقت حد ❤️  

انا في نفس موقفك ، بدت من 90 و النزول كان سهل ، دلوقتي في 72 و مش عارفة اعمل ايه عشان انزل تاني . 

الصيام المتقطع ، المشى ساعة او الرياضة ، low carbs diet مع انه تحسبى الكالوريز بتاعتك هنا حوالى ٧٠٠ ل ٨٠٠ ل ٩٠٠ فى اليوم ، واصلا اخر كام كيلو بيكونو اصعب حاجة و هياخدو وقت عشان الدهون بيتكون خلاص قلت ، وده حسب الوزن طبعا ، دى كانت تجربتى اللى خسستنى قبل كده 

مش مهم نزولك عالميزان اوووي على قد ما المهم نزول يكون دهون..و النزول في الوزن السريع مش احسن حاجة لأن معناه نزول عضلات و دا مش حلو.. فبنصحك تعملي inbody في اي صيدلية كل اسبوعين مثلا و تخلي تركيزك على نسبة الدهون و العضلات في جسمك و تضبطي اكلك على اساس يكون نزولك دهون مش عضلات 

انا ماشيه لو كارب عندى ٣٢ سنه و حالتى الصحيه الحمدلله معقوله معرفش اذا كان عندى اى مشاكل او انيميا او لأ  

لو ماشية بقالك 3 شهور لو كارب محتاجة تغيري النظام النظام الغذائي لازم يتغير كل 3 شهور اللو كارب فيه نشويات طبعا بس متقسمة نوعين نوع وحش و مضر ده هنبعد عنده و نوع تاني هو ده اللي بندخله في نظامنا النوع المضر: السكر و العيش و المكرونة و المخبوزات و كل الدقيق الابيض و العيش بكل انواعه سواء توست بني او عيش سن كل ده اي كلام ملهوش دعوة بالدايت اصلا دول هنبعد عنهم الفترة دي عشان خلاص مش فاضل غير 10 كيلو نستحمل و نمنعهم هنركز على الكارب النضيف المفيد اللي هو: بطاطس و بطاطا و قلقاس و البسلة و الشوفان و الرز البني و الفاكهة هناخد منهم قد ايه؟ دول هناخد منهم في اليوم الواحد 60 جرام يعني يومك في اللو كارب ميتعداش 60 جرام بس منكترش عشان احنا عايزين نخس كده النشويات اتظبطت بالنسب هنمشي ازاي بقى؟ لو عندنا صداع او بنحس بدوخة او ضربات قلب مرتفعه لازم نكشف لاننا استحالة نخس و فيه انيميا لازم نشوف الاول فيه انيميا عندنا و لا لاء و نعالجها و نشوف فيه نقص فيتامين C هنمشي صيام متقطع الصيام للسيدات مينفعش اكتر من 15 ساعة عشان الدورة الشهرية و الهرمونات هنصوم 14 ساعة فقط و باقي الساعات اللي هم 10 ساعات هنمشيها كده: وجبة فطار: فيها 20 جرام فقط كارب هنصوم بعدها 3 ساعات مينفعش ناخد بعد الفطار اي سناكس وجبة الغداء فيها 20 جرام فقط كارب هنصوم 3 ساعات تاني و برضو مش هناخد اي سناكس وجبة العشاء فيها 20 جرام فقط كارب و مش هناكل تاني بعد ال3 وجبات الرئيسية دول هنصوم لتاني يوم في نفس معاد الفطار كده قسمنا هناكل كارب قد ايه و يومنا هيمشي ازاي فاضل البروتين و السلطة دول هيدخلوا مع كل وجبة اساسي لازم بروتين و طبق سلطة و فيه معلقة زبدة طبيعي لازم عشان الدهون هي المسئولة عن الشبع و الفاكهة بتتاكل مع الوجبة و بتتحسب من نسبة الكارب و الفواكهة المسموحة هي التفاح و الفراولة و التوت المستورد مش البلدي عشان البلدي فيه سكريات اعلى اي فاكهة تاني ممنوعة و اي سناكس بين الوجبات ممنوع عايزين ناكل 3 وجبات فقط و نمنع اي سناكس عشان نحافظ على نسبة الانسولين _ الكارب بيتوزن قبل الطهي _ لازم 2 لتر ماية في اليوم اقل حاجة عشان الجسم ميخزنش ماية _ امشي كده اول اسبوع و اوزني و شوفي لو محصلش اي تقدم يبقى هنخفض نسبة الكارب من 60 جرام ل 40 جرام _ الفاكهة ثمرة واحدة بس في اليوم و تكون من المسموح _ حاولي تمنعي السكر الابيض بدليه بسكر استيفيا _ البطاطس و البطاطا بناكلهم مسلوقين البطاطا الحلوة بالذات بلاش شوي عشان بتتحول لسكر خام _ الفاكهة مينفعش تتبدل بعصير حتى لو عصير طبيعي من غير سكر ممنوع بتتاكل زي ما هي كده و ثمرة واحدة بس في اليوم بلاش نكتر منها و نحسبها من نسبة الكارب مع الوجبة و بتتاكل مع الوجبة مش لوحدها  

احسب السعرات بالتقريب كده وابعد عن الاكلات سعراتها العالية وامشي نص ساعة سريع .. لكن اللى بيحسبوها بالجرام دول سيبك منهم دا عايز حد فاضى 

قللي السعرات على وزنك الجديد 

انا نزلت كده بالصيام المتقطع ولما بفطر بلغي العيش والأرز والمكرونه والسكر  

@nuhamuhmd شكرا جزيلا على الرد المفصل ده استفدت كتير بجد  

اعملي تحليل غده درقيه الغده الدرقيه هي اللي مسؤوله عن الوزن و لو فيها مشكله هيبقي صعب النزول