عن نفسي جربت صيام السنة عن النبي صل الله عليه وسلم وجاب معايا نتيجة اكتر من رائعة خصوصا في تظبيط الشهية
بصوم اتنين وخميس و3 ايام البيض من الشهر الهجري ،وباذن الله أجر وعافية 🥰🌷
07 Nov 21 by member: smsm.hasanin
|
ماشاء الله ربنا يثبتك يارب 🌹
07 Nov 21 by member: Hagar@795
|
الصيام المتقطع لوحده من غير تضبيط الأكل مش هيخسسك
فلازم تظبطي أكلك
هوا مفيد لمقاومة الأنسولين والسكر النوع التاني
ومفيد آوي لو إنت من النوع إللي مش بيقدر يتحكم في الكميات والمرات
والنقنقة
ساعات النوم بتتحسب ضمن الصيام
أفضل وقت للأكل بالنسبة لي نص اليوم مش أول ما بقوم من النوم
ولا قبل النوم بحاول أبعده عن النوم بعدد ساعات علشان الارتجاع كمان
شوفي يومك بيمشي إزاي وضبطي ساعات اكلك عادي
حساسية الانسولين بتبقى أفضل الظهر بس مش مستاهل تقلبي نظامك إللي ماشيه عليه يعني
07 Nov 21 by member: heeeeba
|
انا ماشيه على نظام صيام المتقطع وبصوم ايام الإثنين والخميس وبحسب سعرات حرارية للاكل خسيت الحمد لله بس فى مشكله هى تساقط الشعر وباخد علاج للشعر
07 Nov 21 by member: emantawfek
|
انا بقالي تلات شهور ماشيه على الصيام التقطعي ومقلله الاكل وجاب نتيجة هو اول كام يوم بيبقا متعب بس بعد كدا بتتعودي
07 Nov 21 by member: Mona.Abdeen
|
انا ماشيه ع نظام الصيام المتقطع بقالي دلوقتي ٨شهور بجد فرق معايا جدا بس طبعا بالنظام الغذائي السليم والصحي بيفرق جدا ويريح
07 Nov 21 by member: rahamraham318
|
الدكتور حاتم بيحزر منه جدا أنا مجربتوش بصراحه
07 Nov 21 by member: ahmed maher
|
الصيام المتقطع ملازم له تقليل النشويات للحصول على افضل نتائج وبالنسبه ليا المدخل كان من الصيام الاسلامي تعود فبقيت ادمج واواصل تدريجيا
في الاول مكنش ليا موعيد بدايه ونهايه وقت مبخلص اكل أي وقت بدخل صيام متقطع أهم حاجه طبيعه الوجبه الي ببدء بعدها تكون غنيه بالبروتين والالياف من الخضار ودي الدفعه الاولى الي هتدي طاقة تستمر وقت النوم محسوب من ضمن الصيام ايا كانت البدايه امتى وفي الاول ساعدي نفسك بالمشروبات بدون اي سكر عادي او دايت والماء اثناء الصيام اول كام يوم صعب وبعدين تدريجيا بتلاقي شهيتك بتقل والتحكم في الجوع والشبع بيزيد
ابدئي ب ١٢ ساعه وزودي لما تلاقي طاقتك تتحمل اعلى
ومتنسيش تظبطي املاحك اثناء الصيام بملح الهيمالايا او د. سولت او حتى الملح الخشن البحري مع ليمونه واحده وم. ك خل تفاح عضوي علشان متدخيش في الاول لو مش معتاده الصيام اصلا وبالتوفيق ان شاء الله 💐 💪
07 Nov 21 by member: Om habiba2020
|
مش شرط له علاقه بالحرق و فرق التوقيت الفكره تطبقيه صح ممكن تبداي ب صيام 14 ساعه و بعد كده 16 و بعد كده لحد ما تقدري و تكثري الصيام بوجبتين وجبه أولي و جبه تانيه و بينهم فرق ساعات ده نظام المتقطع في ناس بتعمله كده و بياكلو اكلهم العادي بدون دايت لو وزنهم مش اوي بس عشان صحتهم و ناس بتطبقه بلو كارب ال هو تقليل النشويات و الأولوية للبروتين و الخضار و ناس كيتو و انتي مقدرتك و راحتك في الاول و الاخر
07 Nov 21 by member: loley 2563
|
شكرا جدا علي تعليقاتكم هحاول ان شاء الله اطبق صح المرة ظي لاني كل مرة اطبقه بفشل ومكملش
07 Nov 21 by member: Hagar@795
|
08 Nov 21 by member: Nada Ahmed555
|
12 Nov 21 by member: Hagar@795
|